ELeathanach, An Duais Eorpach do theangacha

Ar an Aoine 25 Meán Fómhair 2009 bronnadh an Duais Eorpach do Theangacha ar an tionscadal ‘ELeathanach'. Bhí an bronnadh ar siúl i Farmleigh i bPáirc an Fhionnuisce agus d'fhreastail Séamie Ó Néill, Máire Nic an Bhaird agus Fiona Nic Fhionnlaoich ó Choláiste Oideachais Froebel agus Reubon Ó Conluain agus ceathrar daltaí ó Choláiste Alexandra ar an mbronnadh. Bhí taispeántais shuimiúla ag na buaiteoirí a léirigh an obair a rinne siad chun teangacha éagsúla a chur chun cinn. I measc na n-aíonna bhí David Crystal, teangeolaí cáiliúil ón mBreatain Bheag agus Emer Costello, Ard-mhéara na cathrach. Chuir Séamie Ó Neill tús le Eleathanach dhá bhliain ó shin agus le cabhair Fhoras na Gaeilge, Choláiste Alexandra, COGG agus léachtóirí Choláiste Oideachais Froebel tá an tionscadal ag dul ó neart go neart. Is nuachtlitir leictreonach í le hailt a mhúsclaíonn spéis na ndaltaí. Tá sé dírithe ar rang a sé sa bhunscoil ach baintear úsáid as sna meánscoileanna agus le foghlaimeoirí fásta chomh maith. Bíonn an Eleathanach ar fáil gach Luan ar shuíomh Froebel. www.froebel.ie. Bhí an Giúiré an-tógtha le ‘ELeathanach' agus cheap siad gur ‘tionscadal fíorchruthaitheach úrnua é seo, bíodh is go bhfuil sé simplí'