An Cumann Gaelach

Tá Cumann Gaelach láidir againn anseo sa Choláiste, ár mbuíochas le hoifigigh na Gaeilge thar na blianta. Feidhmníonn sé faoi choimirce Aontas na Mac Léinn sa Choláiste, a bhfuil gaol maoinithe aige leis chomh maith. Cuirfear fáilte roimh ghach aon bhall den Choláiste, idir mhic léinn, iarchéimithe agus foireann a bheith páirteach sa Chumann.

Is iad seo a leanas na haidhmeanna atá ag an gCumann Gaelach:

• Pobal Gaeilge a chothú sa Choláiste;

• An Ghaeilge a fhorbairt sa Choláiste agus í a spreagadh i measc mhuintir an Choláiste;

• Gnéithe eile den chultúr dhúchasach a chothú sa Choláiste trí mheán na Gaeilge; agus

• Cabhair a thabhairt do scoláirí uile an Choláiste taitneamh agus tairbhe a bhaint as foghlaim na Gaeilge sa chaoi is go spreagfaidh siad an díograis chéanna sna páistí a bheidh faoina gcúram.

An Seomra Caidrimh

Is áis iontach í an Seomra Caidrimh. Baineann na mic léinn úsáid as i rith an lae agus baintear úsáid as go minic chun ócáidí éagsúla a cheiliúradh um thráthnóna. Bhí ócáid cheiliúrtha an Chumainn Ghaelaigh agus neart imeachtaí eile ar siúl sa seomra álainn i rith na bliana 2009/2010. Is í aidhm an tseomra ná ‘an Ghaeilge agus cultúr na Gaeilge a spreagadh i measc na mac léinn ar bhealach compordach, taitneamhach, neamhfhoirmiúil.'

Coiste an Chumainn Ghaelaigh

Tá tuairim is beirt mhac léinn déag ar Choiste na Gaeilge (2011/2012): Tá Ruth Stafford agus Clíodhna Ní Chonaill ina n-Oifigeach na Gaeilge ó Mheán Fómhair 2011. Ta go leor oibre ar siúl ag an gcoiste gaelach i mbliana.

An Cumann Gaelach ag Oireachtas na Samhna       Lá Spóirt i rith Sheachtain na Gaeilge